تعال اشعل كـلام الحـب

رد: تعال اشعل كـلام الحـب

دخيل الضحكه اللي كم ادورها وانـا مضيـوم
دخيل الهمسه اللي تنعـش الخافـق وتحيينـي

دخيل الكلمه اللي كل ما اسمعها تضيع علـوم
وأصيـر بعالـمٍ ثانـي أناجيـك وتناجينـي

دخيل الشوق لاهز الخفوق المغـرم المحـروم
وتساقط بوحه المكنـون حتـى انـه يبكينـي

دخيل الريح وانفاس الربيع وعشقـك المفهـوم
دخيل العشره وكل الغـلا مـــابينـك وبينـي

دخيل البسمه اللي من حلاها تشفـي المهمـوم
دخيلك لاخـذاك الشـوق تكفـا لا تجافينـي

غلاك اللي تمكن بي واصبح بالحشا مرسـوم
سكن نبض الخفوق وزاحـم الـدم بشرايينـي

تباهى ياغلااااي وعشقي وخل الغلااا مكتـوم
على روحي تراك تمون حتـى لـو تعنينـي

تصحيني طيوفك كل مايطـري علـي النـوم
أنا لامرني طيفك يطيـر النـوم مـن عينـي

تعال انزل على حدب الضلوع ومنزلك معصوم
عن الواشين يا كل الغلاا مـن قلبـي لعينـي


تريح والشعر في حضرتي دايم يجي منضـوم
على ذكرى هوانا العـذب اغنيـك وتغنينـي

المصدر: شبكة ومنتديات صدى الحجاج