زاهية حد التعب .. وفقدان الوعي

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب إني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شوفني وانا استناك كيف اشبهك
يطري علي الف راي و راي واحتار فيـك

اجي مكان الوعد والا اسبقه و انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك

تقبل مروري ابو معمر