خاطرة _ انت السبب

رد: خاطرة _ انت السبب

وقـــت العتب روح لا تــرجع تعاتبني
مات الأمل والبقا في رأس وجدانـي

خلاص مات الهـــوى لاتـهدم ولا تـبـنـي
تركــتني لين جـاء النــسيان نـادانـي

العــــام ادور ســـــبب منــــ ـك يقربـني
واليــوم ادور سبب عــشان تنــــساني

بعــثرتني في هواك اليــوم رتـــبــني
نسيتني الناس شفني صرت وحداني

كان السهر في هواك اللي محببني
والحين حتى السهر يكبر على اجفاني

أجـــيك يمحـيـنـي عـتـابي ويكـتـبـنـي
ما فيه طـــاري عتــب يمـــر ماجـــاني

وارجع وأنا اقول :وش للجرح جايبني
ادري بجرحك ..ولا ادري وين وداني

عن صدق الأحلام ..جاء الواقع وكذبني

وعن فــ ـرح الأيام جــاء حبك وبكاني

مليت اشيل الامل والدمع يغلبني
واقول بكره يجــي للشوق يلقاني

ويروح بكره وأجي والوقت قالبني
وارجع عـــلى وحدتي واحــــــزاني

بكيــــتك العــمر كــله يا معــذبــنـي
وش فيك ما تبكي الليلة على شاني

كتبت ما هو عشان تقول عاجبني
مليت من جزله وصح الله لساني

أنا وطن شعر ..لو شعري مغربني
كتبت أجمل جروحي لجل تقراني

خلاص لا تتعب وترجع تعاتبني
أنا نسيتك دخيل جــــــروحك أنساني


شو هالابداع يا ورده وابو معمر .....تقبلي مروري.

المصدر: شبكة ومنتديات صدى الحجاج