الدموع تتكلم قبل الشفاة..احساس انسان حزين...

مدخل ::

ياطول صبري على قلبي ولوعاته
انشهد انك على الضيقات حديته

وده يفارق ضلوعي بس رديته
لاطروا اسمك تعال وعد دقاته

من خوفي انه يفارقني بفزاته
مديت كفي على صدري وشديته .... !!

خـابـرك مـاتـبعد الا يـاخـذك قـربي
.......................لا غـبت تـشتاق .. ولـيا أشتقت تلقاني

والـيوم ذعـذع عـليك الـشوق والغربي
.......................مـامـر فـي بـالي انـك يـوم تنساني

مـن غـبت عـن نـاظري وأنا تكاثربي
.......................جـروحـك الـلـي مـرابعها بوجداني

مـاعاد لـي شـف فـي زادي وفي شربي
.......................نـومي عـلى الكوع ,, وأسولف لجدراني

إلا عـلى فـكره الـبارح سـرى سربي
.......................هــو يـمـك الـبارحه عساه وداني

بشرعسى قلبك الحساس يشعربي
.......................والا مـاهـو مـثـله أول يـوم يهواني

ويـنك سـألت الـمكان وقـلت لـه دربي
.......................خـلاك . . قـلت : ايه مدري كيف خلاني

ضـيعت دربـك وراك تـضيع يادربي
.......................مــن غـبت والـحزن والله ما تعداني

أذكـرك واذكـر عـيونك كـيف تسهربي
.......................أسـأل عـليك الـيدين ويـنطق لساني

أذكـرك واقـع مـاهو حـلم ٍ يسافربي
.......................والـيوم حـلم ٍ يـسافربي عـن أوطاني

أذكــرك واذكـرك يوم إنك تفاخربي
.......................قـدامـهم تـقـلب الـدنيا عـلشاني

لا قـلت : يـابدر قـلت : ايو الله إبدر بي
.......................أحـسـك انـت الـذي سـمى وسماني

واذكـرك لا قـلت : يالله لـلفضاء طربي
.......................الـيوم أحـس الـفضاء مـاعاد يبغاني

وأذكــرك مـاتـبعد الا يـاخذك قـربي
.......................لا غـبت تـشتاق ولـيا أشـتقت تلقاني

والـيوم ذعـذع عـليك الـشوق والغربي
.......................مـامـر فـي بـالي انـك يـوم تنساني

لـكـن قـبل لا أعـتذربك ثـم تعذربي
.......................الـكـل مـنا هـو الـلي ضـيع الثااااااااني .

مخـــرج ..

يوم انتهت قصـة غرامــي على خــير ... !
........................صارت دموعي آخــر رســاله كفــنهــا