اه يادنيا

اه يادنيا

مرّت عليّ سنين شيّب لها الراس
توّي شباب اليوم والرّاس شايب
اسقتني الويلات علقم مع الكاس
قلبي حجر والكبد لا شكّ ذايب
ويلاه يادنيا لولا ثبات السّاس
ولولا ثبات العقل والرّاي صايب
لضرب نياط القلب في حدّة الفاس
منهو تمنّى الموت ما هوب هايب
قالتلي الدنيا خذ الذّهب والماس
ثمّ اطرحتني طرح شفت العجايب
ماقلت أنا ويلاه مع طيحتي ياناس
من قالها في طيحته ينقال له خايب
ما دام روحي سالمه ما عليّه باس
وما دام عقلي معي فالجرح طايب
سلام يا دنيا ونا انسان حسّاس
وسلااام يا دنيا وانا منك تايب
لو الذهب كله على الأرض ينداس
ما ينحني ظهري لو المال سايب
ولو الزمن كله على القلب ينحاس
ما عاد تفرق معي .. فالحظ غايب
ماعاد تفرق معي
فالحظ غايب

المصدر: شبكة ومنتديات صدى الحجاج