لاتردد وانت لك كلمه ولك امرٍ مطاع




لي عليك انّك تبّت بكلمة ٍ تشفي الغليل..





لاتجاملني مخافة ( قال ) مدري خوف ( قيل )





كان قصدك ( سر حبك ) .. اوعدك لأصبح بخيل





بس قلها ... قل ما احبك ... وابشر بصبر ٍ جميل





صاحبك ماهو كذا ياصاحب القدر النحيل






في الهوى مايقبل الحل الوسط ولا القليل

يدري ان الفقر ماهو عيب والدنيا متاع




ماعشق لذّة حياته كثر عشق المستحيل





كم تعلّم من شديد البدو وش معنى الرحيل





وكم تعلّم من سحاب الصيف وش معنى الحصيل





ايه انا هذا طريقي ( موحش .. وصعب .. وطويل )





اعتبرني في بداية سكّتك عابر سبيل





يكفي اني لاانذكرت في سالفة عشّاق .. قيل