شبكة ومنتديات صدى الحجاج - عرض مشاركة واحدة

24-08-2009, 12:44


	السنافر بعد ظهور نتائج الثانوية العامة ....وتقديم طلبات الالتحاق في الجامعات الرسمية... لم يبقى الا بضع ايام ونستقبل السنافر الجدد في الجامعات وستزدان ابواب الجامعات بآلاف الطلبة الجدد ...فأهلاً ومرحبا بكم بين من سبقوكم في هذه التجربة وأقل ما يكن تقديمه لكم هو بعض النصائح حتى لا تقعوا في شراك العابثين واصحاب المقالب في ايامكم الأولى . ولتعلموا اعزائي السنافر أن الجامعة ليست فقط للدراسة 24 ساعة كما انها ليست للعبث ..وعليك عزيزي السنفور أن تعلم ان الجامعة مليئة بفوائد جمة ..وهي فرصة لن تعوض لأخذ المعارف والتجارب والاحتكاك المباشر مع مختلف الاجناس. أنواع السنافر سنفور مو مصدق انه دخل الجامعة وكتيييير مبسووووط. سنفور ناجح وداخل عشان يدرس ويستفيد ...روعة. سنفور مسطول ..بيجي عشان يروح ...نعسااااااااااااان وطافي. سنفور على قارعة الطريق ...بتروح وبتيجي وهو قاعد على الفاضي..... سنفور لا عنده ولا على باله ..مسترخي. سنفور من وإلى المطعم دايما جعاااااااان. لأ ...اكل وشرب لأ وطلعات وتعارف لأ ...عادة بطلع بس بفهم بتخصصه وما بطلع وهو بعرف حدا ..بس اكيد الكل بعرفه قد ما بدرس سنفور ضحكت عليه بنت من اولها واخدت بعقله حلاوة ..وهو صدق حاله...الله ما يحرمهم من بعض سنفور شاطر وطول الوقت مشغول بالأنشطة ومو ملحق دايما بنسى او بتناسى محاضراته ..وبكون مزبط الدكتور ... وبتلاقيه بعد سنة مرشح حاله للانتخابات . سنفور مو عاجبه العجب ولا الصيام برجب ...واوووووووف متى بدي اتخرج واخلص . سنفور الشلة ...ما بعرف يعيش الا من خلال شلة وغاليا بكونوا معروفين ..وبسلم بالطريق على الف واحد ..الله يحميه لشبابه ..اله جمهور واجتماعي . سنفور مشكلجي من الدرجة الاولى وبتخانق مع ذبان وجهه...والقاعدة بتحكي ابعد عن الشر وغنيله اما السنفورات سنفوووورة مبسوطة كتييييير بالجامعة ..اخيرا صارت حرة وطلعت من المدرسة. سنفورة حلوة وبتدرس ودايما علامات كاملة ..وكل الدكاترة بعرفوها والطلاب بكرهوها. سنقورة مفكرة حالها لسا بالمدرسة وهادية كتييييير ....تئبرني . سنفورة يا ارض اشتدي ما عليكي حدا قدي ...ماشية وبتقول انا حلوة هاي نفس السنفورة الي ضحكت على السنفور الي حكينا عنه فوق ..ههههه سنفورة بتحب الحكي والنقاشات ودايما بتعلق المحاضرة عندها عشان مو مقتنعة بحكي الدكتور سنفورة بس جاي لعرض الازياء.... او بتدور على عريس ..ما بحط بذمتي . ياي عنجد هيك مو معقووووول...دايما مو مصدقة شي ..ومستغربة رايحة جاي ما بتعرف ليش ولا شو بعض النصائح لمواجهة هذا العالم الجديد 1-الجامعة ليست للعبث كما انها ليست فقط للدراسة طوال الوقت...عليك الموازنة حتى تستفيد من كل ما فيها. 2-مجتمع جديد واصناف من الناس قد تكون لم تجتمع بمثلهم من قبل....لذا عليك الحذر. 3-الجامعة ليست كالمدرسة هذا امر صحيح لكن ليس كما يقولون (مافيها دراسة) ولكن هناك اختلافات عليك التنبه لها . 4-عليك ان تأخذ فكرة كاملو عم رحلة الذهاب والإياب من وإلى الجامعة...عشان ما تضيع. 5-عليك قراءة دليل الطالب ولو بشكل عام فهو يسهل عليك التعرف على مرافق الجامعة. 6- اعرف مين تسأل ..لتجنب اصحاب الظل الخفيف ..لا تسأل الطلاب في الغالب في كل كلية هناك موظف استعلامات. 7-لا تتعرف على طلاب كسالى ..ولا بأي ناحية لا الدراسة ولا النشاطات المختلفة ..لازم تتعرف على حدا نشيط عشان تتعرفوا على مرافق الجامعة بلا كلل ولا ملل. 8-لا تجلس في المقاعد الخلفية وازا كان الدكتور زنخ ولا حتى بالأمامية ..اختار مكان استراتيجي . 9-خليك منظم ولا تضيع وقتك ..وكمان لا تخنق خالك ..يجب ان تكون متوازن. 10-ما حك جلدك مثل ظفرك ..فتول انت جميع امرك....لا تنادي بابا عشان تحويل او عشان فتح شعب ..الي بسأل ما بتوه ..وضل اسأل الموظفين والي ما بعجبه ورجيه العين الحمرا لانه هو لازم يساعدك اصلا...بين قوسين (لا تستحي) بس لا تكون قليل ادب طبعا. 11- عليك ايضا عمل ميزانية خاصة لمصروفك ..بلاش تدور تشحد اخر الشهر. 12-لا تتوانى في البحث عن مواهبك وتنميتها واستغلال وقتك بالمفيد ...واقل استغلال للوقت ان تحمل معك كتابا لاستغلال الاستراحة بين المحاضرات. الجامعة فرصة لا تعوض ..لإنه ما عليك اي مسؤولية ..لذلك عليك بناء ذاتك وصقل شخصيتك ..وإذا اردت فكل ذلك متاح لك. ولا تنسى ان الجامعة جامعة ..يعني إذا ما بحثت عن الصالح ستجد وإذا ما اردت الطالح سيأتي بين يديك... لذلك أنت وما تريد..وتذكر أن والدك يتعب كثيرا ليجني المال لدفع اقساطك فعليك اخذ ذلك بعين الاعتبار. وفي الختام اتمنى لكم سنوات ممتعة ومليئة بالانجاز وبناء الذات بقلم حرف

المصدر: شبكة ومنتديات صدى الحجاج

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.37 يوميا