حبيبتي نرجس
كنت بتمنى اشوفكم واتعرف عليكم لكن انا معلمة بالزرقاء مو بالطفيلة

وبالنسبة لباقي الاجهزة مدرستنا استلمتها يوم الاثنين

على فكرة انا مو معلمة رياضة انا معلم صف بدرس صف اول

و اعطيك معلومة صغيرة عن تربية الزرقاء

هي بدون مبالغة من افشل المديريات الموجودة فيها تجاوزات مش طبيعية

من الي بتشوفة بتحس حالك بتحلم

مدرستنا كبيرة وعنا مختبر حاسوب وما عنا قيم حاسوب يدخل بيانات امتحانات الجائزة
او حتى ينجز شغل المدرسة على الحاسوب

راجعنا التربية كان جوابهم مدرستكم مش بحاجة لقيم حاسوب

ولحظي السيء انا معي دورة icdl , ومعي دورة الانتل واختاروني انا ادخل البيانات

يعني انا مجبرة ادرس طلابي وادخل البيانات


كل الاحترام والتقدير لكل مسؤول بخاف الله